News News

በንግዱ ዘርፍ የተሻለ አፈጸጸም ለማስመዝገብ የፈጻሚ አካላት ተሣትፎ ወሳኝነት እንዳለው ተገለጸ

በንግዱ ዘርፍ የተሻለ አፈጸጸም ለማስመዝገብ የፈጻሚ አካላት ተሣትፎ ወሳኝነት እንዳለው ተገለጸ

በ2010 በጀት አመት የንግድ ዘርፍ እቅድ አፈጸጸምና በ2011 መሪ ዕቅድ ላይ ከሚኒስቴር መስሪያ ቤቱ ሰራተኞች ጋር ውይይት ተካሂዷል፡፡

የውይይቱ ዓላማም በዘርፉ አፈፃጸም ፣ የዕቅድ ዝግጅትና የተግባር ምዕራፍ ላይ የስራው ባለቤት የሆነው ፈጻሚው አካል ተሳትፎና ድርሻ ላይ የጋራ መግባባት በመፍጠር ወደ ተግባር ምዕራፍ ለማስገባት ነው፡፡

ለውይይት የቀረበው አመታዊ ሪፖርት ይዘትም በመፈጸምና በማስፈጸም አቅም ግንባታ፣ዘመናዊ፣ ፍትሃዊና በውድድር ላይ የተመሰረተ የንግድ ስርዓት ከመዘርጋት እና ቀልጣፋና የላቀ የገበያ ማስፋፊያና ትስስር ስርዓት በመገንባት የውጭ ምንዛሪ ግኝትን ማሳደግ በተሰኙ የትኩረት መስኮች ላይ አጽንኦቱን አድርጓል፡፡  

ሚኒስቴር መስሪያ ቤቱ ዘመናዊ፣ ፍትሃዊና በውድድር ላይ የተመሰረተ የንግድ ስርዓት ለመዘርጋት አቅዶ በተንቀሳሰቀው መሠረትም የንግድ ምዝገባና ፈቃድ አገልግሎት አሰጣጡን በዘመናዊ ቴክኖሎጂ ለማስደገፍ የተደረገ ጥረት፣ እንግልት ሲፈጥሩ የነበሩ የብቃት ማረጋገጫ መስፈርቶችን ቁጥር ዝቅ ማድረግ፣ ከወጪና ገቢ ምርቶች ጥራት ቁጥጥጥር እንዲሁም ከመለኪያ መሣሪያዎች ትክክለኝነት ማረጋገጥ አንጻር የተከናወኑ ተግባራት በጥንካሬ የተነሱ ሲሆን ከምርት ጥራት ቁጥጥር አንጻር አስገዳጅ ደረጃ ወጥቶላቸው በኮንትሮባንድና በህገ-ወጥ ንግድ አማካኝነት ወደ ገበያ እየገቡ ለህብረተሰቡ ተደራሽ እየተደረጉ የሚገኙ ምርቶች መኖር እና ከመሰረታዊ የፍጆታ ዕቃዎች አቅርቦትና ስርጭት አንጻር የሚስተዋሉ ክፍተቶች መኖራቸው በውይይቱ ወቅት የተነሳ ሲሆን ችግሮቹን ለመቅረፍ ርብርብ እንዲደረግ አቅጣጫ ተቀምጧል፡፡

ቀልጣፋና የላቀ የገበያ ማስፋፊያና ትስስር ስርዓት በመገንባት የውጭ ምንዛሪ ግኝትን ለማሳደግ በተደረገው እንቅስቀሴም ከጎረቤት አገራትና ከሌሎችም መዳረሻ ይሆናሉ ከሚባሉ አገሮች ጋር ትስስር በመፍጠር ረገድ የተሰሩ ስራዎች በጥንካሬ የሚነሱ ቢሆንም በውጪ ምንዛሬ የገቢ ምንጭነት የሚያገለግለው የወጪ ንግዱ በአፈጻጸሙ ክፈተት የሚስተዋልበት መሆኑ በድክመት ተቀምጧል፡፡

በቀጣይም በዘርፉ ዘላቂ ለውጥ ለማምጣት ከፌደራል ጀምሮ እስከ ክልልና ከተማ አስተዳደር ንግድ ቢሮዎች ሊያሰራ የሚያስችል አገራዊ የንግድ ዘርፍ ዕቅድ ለውይይት የቀረቦ በተሳታፊዎች አስተያየት ተሰጥቶበታል፡፡  

ከአገልግሎት አሰጣጥ እና ህገ ወጥ ንግድ ጋር በተያያዘ የሚያጋጥሙ ችግሮች በአሰራር ስርአት መፍታት ፣ የአገር ውስጥና የውጪ የገበያ ትስስርን ማጠናከር ፣በወጪ ንግዱ የሚያጋጥሙ ተግዳሮቶችን በመፍታት ምጣኔ ሃብት ማሳደግ እና የመፈጸምና የማስፈጸም አቅም ግንባታ ስራዎችን ማጠናከር በ2011 በጀት አመት ሊከናወኑ ከታቀዱት ተግባራት ዋና ዋናዎቹ ሆነው የተቀመጡ ሲሆን ዕቅዱን አሳክቶ የተጀመረውን የለውጥ ጉዞ በማገዝና በማፋጠን ረገድ ፈጻሚው አካል የበኩሉን ድርሻ መወጣት እንዳለበት ተጠቁሟል፡፡