News News

ከግማሽ ሚሊዮን ብር በላይ ድጋፍ ተደረገ

 

 

                      ከግማሽ ሚሊዮን ብር በላይ ድጋፍ ተደረገ                         02/13/2010

ከኢትዮጵያ ሶማሌ ክልል ለተፈናቀሉ ወገኖች ከግማሽ ሚሊዮን ብር በላይ ድጋፍ ማድረጉን ንግድ ሚኒስቴር አስታወቀ፡፡

      ድጋፉ የተደረገው ከኢትጵያ ሶማሌ ክልል ተፈናቅለው በኦሮሚያ ልዩ ዞን ለሚገኙ 647 አባወራዎቸ ነው፡፡

የኢ.ፌ.ዲ.ሪ ንግድ ሚኒስቴር ከተጠሪ ተቋማቱ ጋር በመተባበር ከሰራተኞችና ከአጋር አካላት ድጋፍ በማሰባሰብ ጳጉሜ 01/2010 ዓ.ም በኦሮሚያ ክልል ሱሉልታ ከተማ ተገኝተው ድጋፉን አበርክተዋል፡፡ ድጋፍ የተደረገው በጥሬ ገንዘብ፣በትምህርት መሳሪያ፣ በአልባሳት እና ምግብ ነክ ቁሳቁሶች ሲሆን ባጠቃላይ 6 መቶ 14 ሽህ ብር የሚሆን ለ647 አባወራዎች ድጋፍ አበርክተዋል፡፡

የንግድ ሚኒስቴር ሚኒስትር አቶ መላኩ አለበል በቦታው ተገኝተው ድጋፉን ባበረከቱበት ወቅት እንደተናገሩት ባለፉት 4 ወራት በተቀጣጠሉት ለውጦች ላመጣነው ሰላም እና መረጋጋት እናንተ የከፈላችሁት ዋጋ ከፍተኛ ስለሆነ በእናንተ ላይ የደረሰውን ችግር ለመቀልበስና በሌላም ላይ እንዳይደርስ መንግስትና ህዝብ በመቀራረብ አብረው መስራት አለባቸው ያሉ ሲሆን እዚህ የመገኘታችን ሚስጥርም አጋርነታችንና ቤተሰብነታችንን በተግባር ለመግለጽ ነው ብለዋል፡፡

ሚኒስትሩ አያይዘውም ማንም ኢትዮጵያዊ በፈለገው አካባቢ ተንቀሳቅሶ የመስራትና የመኖር መብቱ እንዲረጋገጥ እንዲሁም በኢትዮጵያዊነቱ በየትኛውም ክልል ላይ ደህንነቱና ማንነቱ ተከብሮ እንዲኖር መንግስት በቁርጠኝነት እየሰራ ነው ብለዋል፡፡

ዘገባው በኢ.ፌ.ዴ.ሪ ንግድ ሚኒስቴር የህዝብ ግንኙነትና ኮሙዩኒኬሽን ጉዳዮች ጽ/ቤት ነው፡፡