News News

ኢትዮጵያ የአሰብ ወደብን መጠቀሟ የንግድ ስርዓቷ ይበልጥ የተቀላጠፈ ለማድረግ ያስችላታል ተባለ

                              07/01/2011

ኢትዮጵያ የአሰብ ወደብን መጠቀሟ የንግድ ስርዓቷ ይበልጥ የተቀላጠፈ ለማድረግ ያስችላታል ተባለ

  ኢትዮጵያ ከጂቡቲ ወደብ በተጨማሪ የአሰብ ወደብን መጠቀሟ የንግድ ስርዓቷ ይበልጥ የተቀላጠፈ ለማድረግ ያስችላታል ሲል ንግድ ሚስቴር ተናገረ::የንግድ ሚስቴር ሚኒስትር አቶ መላኩ አለበል እንደተናገሩት ባለፉት 5 ወራት በሀገራችን የኢኮኖሚ፣ የፖለቲካና የዲሞክራሲ ምህዳራችንን ለማስፋት በተሰሩ ስራዎች መሰረታዊ ለውጥ መጥቷል፡፡ ኢትዮጵያ በንግዱ ዘርፍ ተወዳዳሪነቷን ለማስፋት አማራጪ ወደቦችን መጠቀም ያስፈልጋል፡፡

የአሰብ ወደብ ሀገራችን የንግድ ስርዓቷን የበለጠ የተቀላጠፈ ለማድረግ ያስችላታል ያሉት ሚኒስትሩ ወደቡን ለመጠቀም የተደረሰበት ስምምነት ለሁለቱም ሀገራት መንግስትና ህዝቦች ትልቅ እድል ነው ብለዋል፡፡

ሚኒስትሩ አያይዘውም የአሰብ ወደብ አላስፈላጊ የሆኑ የሎጂስቲከስ ወጪዎችን እና የትራንስፖርት ወጪዎችን ለመቀነስ ከፍተኛ አሰተዋፆኦ ያበረክታል  ያሉ ሲሆን የኢትዮጵያና የኤርትራን  ዘላቂ  ግንኙነት እንዲያግዝ በሁለቱ ሀገራት መካከል የሚኖረውን የንግድ ግንኙነት መልክ ለማሲያዝ ንግድ ሚስቴር እየሰራ ነው ብለዋል፡፡

በመጨረሻም ይህንን ወደብ በመጠም የንግድ ስርዓታችንን እንዴት እናሻሽላለን፣ ምን አይነት አገልግሎቶችን በቅርብ አንጀምራለን የሚሉት ጉዳዮች ላይ እየተሰራ ነው ያሉት አቶ መላኩ የወደቡ ስራ ወደ አገልግሎት በሚገባበት ጊዜ መስራት ያለብንን ንግድን የሚመለከቱ ስራዎች  አንሰራለን ብለዋል፡፡

ዘገባው በኢ.ፌ.ዴ.ሪ ንግድ ሚኒስቴር የህዝብ ግንኙነትና ኮሙዩኒኬሽን ጉዳዮች ጽ/ቤት ነው፡፡