News News

ጉድለት በተገኘባቸው የንግድ ድርጅቶች ላይ አስተዳደራዊ እርምጃ ተወሰደ

 

(ንኢሚ)  በተለያዩ ንግድ ድርጅቶች ላይ ባደረገው የውስጥና የውጪ የድህረ ፈቃድ ኢንስፔክሽንና ሬጉላቶሪ ስራ ህግን ተከትለው በማይሰሩ የንግድ ድርጅቶች ላይ የተለያየ አስተዳደራዊ እርምጃ መውሰዱን 2012 በጀት አመት የመጀመሪያ ሶስት ወራት የስራ አፈጻጸም ሪፖርት አመላክቷል፡፡

ሚኒስቴር /ቤቱ በድህረ ፈቃድ ኢንስፔክሽንና ሬጉላቶሪ ቡድን አማካኝነት 3330 የንግድ ድርጅቶች ላይ የንግድ ምዝገባና ፈቃድ አገልግሎት አሰጣጥ ትክክለኛነት የማጣራት ስራ ለመስራት አቅዶ 1868 የንግድ ፋይሎች ላይ የኢንስፔክሽን መስራቱንና የዕቅዱን 56.1% ማከናወኑን ገልጿል፡፡

በተመሳሳይም 480 የንግድ ድርጅቶች ላይ የውጪ ኢንስፔክሽን ስራ ለማድረግ አቅዶ 421 የንግድ ድርጅቶች ክትትልና ቁጥጥር ያደረገ ሲሆን ክትትል ካደረገባቸው 421 ድርጅቶች ውስጥ 127 በተለያየ ደረጃ የአዋጅ ጥሰት የታየባቸው እና 67 ድርጅቶች ፈቃዳቸው የተሰረዘ እና 28 በድጋሚ በክትትሉ ወቅት ያልተገኙ እንዲሁም ቀሪዎቹ 199 በህግ አግባብ እየሰሩ መሆኑ በተቋሙ የተዘጋጀው የአፈጻጸም ሪፖርት ያመላክታል፡፡

በውጪ የኢንስፔክሽን ስራም ክትትል ከተደረገባቸው 421 የንግድ ድርጅቶች ውስጥ 199 ትክክለኛውን የህግ አግባብ ተከትወለው እየሰሩ እንደሆነ፣ 67 የንግድ ድርጅቶች ፈቃዳቸውን የሰረዙ ሲሆን ቀሪዎች የአስመጪነት ፈቃድ እያላቸው በችርቻሮ ንግድ ላይ የተሰማሩ ተመሳሳይ ግብይት ሲያከናውኑ የተገኙ ተመሳሳይ ደረጃ ግብይት እና ከዘርፍ ውጪ የሚነግዱ ከአድራሻ ውጪ የሚነግዱ፣ የመሸጫ ዋጋ በተገቢ ቦታ ያለጠፉ እንደሆነ የኢንስፔክሽን ግኝቱ ያሳያል፡፡

ችግሮቹን ለማስተካከልም በተለያየ ደረጃ የቃል እና የጽሁፍ ማስጠንቀቂያ የተሰጠ ሲሆን ይህንንም ተመርኩዞ አንዳንድ ድርጅቶች እርምት እያደረጉ መሆኑ ሪፖርቱ ያመላክታል፡፡



No comments yet. Be the first.

News Archive News Archive

— 10 Items per Page
Showing 1 - 10 of 45 results.