News News

ከወጪ ንግድ 1.15 ቢሊዮን የአሜሪካን ዶላር ገቢ ለማግኘት ታቅዷል

                                               

                                                                                                                                                                                       21/06/2011

ከወጪ ንግድ 1.15 ቢሊዮን የአሜሪካን ዶላር ገቢ ለማግኘት ታቅዷል

በ2ኛው የ100 ቀናት እቅድ ከወጪ ንግድ 1.15 ቢሊዮን የአሜሪካን ዶላር ገቢ ለማግኘት ማቀዱን ንግድ ሚኒስቴር አስታወቀ::

ሚኒስቴር መስሪያ ቤቱ በወጭ ንግድ አፈፃጸም የሚስተዋሉ ችግሮችን እና የሽያጭ ዋጋ መዛባትን ለመከላካል የሚያስችሉ ስራዎችን በመስራት 1.15 ቢሊዮን የአሜሪካን ዶላር ገቢ ለማግኘት አቅዷል፡፡ ንግድና ኢንዱስትሪ ሚኒስቴር ከሚከታተላቸው የግብርና እና አምራች ኢንዱስሪ ምርቶች 428.919  ሚሊዮን የአሜሪካን ዶላር እንዲገኝ ማስቻል የወጪ ንግድ ገቢውን ለማሻሻል ከተያዙ ተግባራት ውስጥ አንዱ ነው፡፡

በግንባታ ላይ ያሉ 5 የሁለተኛ ደረጃ የግብይት ማዕከላትን መከታተል፣ አንድ ማዕከል አጠናቆ ወደ ስራ ማስገባት እና አንድ የቡና መቀበያ ማዕከል መክፈት በሎጂስቲክስ መስኩ የተያዙ እቅዶች ሲሆኑ የኢንዱስትሪውን የማምረት አቅም ለማሻሻል እና የሀገር ውስጥ ባለሀብት ከውጭ ሀገር ባለሀብቶች ጋር በቅንጅት የሚሰሩበትን አሰራር ለመፍጠርም ታቅዷል፡፡

በ100 ቀናት እቅዱ የዓለም ንግድ ድርጅት አባልነት ድርድርን ለማስጀመር 3 ሰነዶችን እንዲሁም 2 የሁለትዮሽ ድርድር ሰነዶችን ለማዘጋጀት በእቅድ ተይዟል፡፡

በሌላ በኩል የኢትዮ-ኤርትራ የጠረፍ ንግድ ስምምነት  ሰነድ በማዘጋጀት ድርድር ማድረግ እንዲሁም በሱማሊያና ሱዳን የጠረፍ ንግድ ጥናት ለማካሄድ በእቅድ የተያዘ ሲሆን ወደ ጅቡቲ ኤክስፖርት የሚደረግ የጫት የመጠንና  የዋጋ ኮታን በመከለስ ፍትሃዊ የግብይት ስርዓት እንዲኖር ለማድረግም ታስቧል፡፡

በንግድና ኢንዱስትሪ ሚኒስቴር የህዝብ ግንኙነትና ኮሙዩኒኬሽን ጉዳዮች ጽ/ቤት