News News

የዘርፉን አፈፃጸም ለማሳደግ የ100 ቀናት እቅድ ተዘጋጅቶ እየተሰራ ነው

 

  

 

                                                      20/06/2011

    የዘርፉን አፈፃጸም ለማሳደግ የ100 ቀናት እቅድ ተዘጋጅቶ እየተሰራ ነው

በዘርፉ የሚስተዋሉ ችግሮችን ለመቅረፍና አፈፃጸሙን ለማሳደግ የ100 ቀናት እቅድ አዘጋጅቶ እየሰራ መሆኑን ንግድ እና ኢንዱስትሪ ሚኒስቴር አስታወቃ

ሚኒስቴር መስሪያ ቤቱ ችግር ፈችና የተለየ ትኩረት የሚሹ ጉዳዮችን የያዘ 16 ተግባራት፣14 መለኪያዎች፣ 6 ግቦች እና 41 ውጤት አመልካቾችን የያዘ 2ኛውን የ100 ቀናት እቅድ አዘጋጅቶ እየሰራ መሆኑን የንግድና ኢንዱስትሪ ሚኒስቴር ሚኒስትር ወ/ሮ ፈትለወርቅ ገ/እግዚአብሔር ተናግረዋል፡፡ ቀጥታ የንግድ ምዝገባና ፈቃድ አሰጣጥ ስርዓትን ተግባር ላይ ለማዋል የሚያግዙ የንግድ ምዝገባና ፈቃድ አዋጅ 980/2008 ደንብ ቁጥር 392/2009 እና  መመሪያ ቁጥር 010/2009 ለማሻሻል ታቅዷል፡፡ የንግድ ሥራን ለመጀመር የተንዛዙ፣ ጊዜ የሚወስዱና አላስፈላጊ የሆኑ  አሰራሮች ላይ ማሻሻያ ለማድረግ መታቀዱም ተጠቁሟል፡፡

ሀገራችን የያዘችው ከግብርና መር ወደ ኢንዱስትሪ መር ኢኮኖሚ የመሸጋገር አቅጣጫ ማንም ሊቀለብሰው አይችልም ያሉት ሚኒስትሯ በተለይም አምራች ኢንዱስትሪው ለእድገታችን ወሳኝ ነው ብለዋል፡፡ ለዚህም ዘለቄታዊና አዋጪነት ያለው የሀገር ውስጥ ባለሀብቱ ስለሆነ ለሀገር ውስጥ ባለሀብት ቅድሚያ ይሰጣል ያሉት ወ/ሮ ፈትለወርቅ እቅዱን ከመቸውም ጊዜ በበለጠ ተነሳሽነት በመተግበር ውጤት ማምጣት ይገባልም ብለዋል፡፡

 

በንግድና ኢንዱስትሪ ሚኒስቴር የህዝብ ግንኙነትና ኮሙዩኒኬሽን ጉዳዮች ጽ/ቤት