News News

ከ90 ሽህ በላይ የንግድ ድርጅቶች ላይ እርምጃ ተወሰደ

ባለፉት 6 ወራት የዋጋ ንረትና የኑሮ ውድነትን ለመከላከል በተሰሩ ስራዎች 90 ሽህ በላይ የንግድ ተቋማት ላይ አስተዳደራዊና ህጋዊ እርምጃ መወሰዱን ተገለጸ፡፡


በሀገር ደረጃ የተፈጠረውን የዋጋ ንረትና የኑሮ ውድነት ለመከላከል በንግድና ኢንዱስትሪ ሚኒስቴር የሚመራ ግብረ-ሀይል ከፌዴራል እስከ ወረዳ ድረስ ተዋቅሮ ሰፊ ስራ የተሰራ ሲሆን በህገ-ወጥ መንገድ ግብይቱን ሲያውኩ የነበሩ 91602 ህገ-ወጥ ደላላዎችና ነጋዴዎች ላይ እርምጃ ተወስዷል፡፡ ኢኮኖሚያዊ ምክንያት የሌለው የዋጋ ንረት ህብረተሰቡ ላይ የሚፈጥረውን የኑሮ ውድነት ለመከላከል በየደረጃው የተዋቀረው ግብረ-ሀይል በቤኒሻንጉል ጉምዝ ክል150 በአዲስ አበባ ከተማ አስተዳደር 17,182 በኦሮሚያ ክልል 14,961 በአማራ ክልል 53,126 እንዲሁም በደቡብ ክልል 6,320 የንግድ ተቋማት ላይ አስተዳደራዊና ህጋዊ እርምጃዎች ተወስደዋል፡፡
በተጨማሪም ግብረ ሀይሉ በአዲስ አበባ ከተማ አስተዳደር ባደረገው ኦፕሬሽን 59 መኪና አትክልትና ፍራፍሬ እና 52 መኪና ጤፍና ስንዴ ጭነው በህገወጥ መንገድ ግብይት ሲፈፅሙ የነበሩ በቁጥጥር ስር ውለው የተወረሱ ሲሆን ምርቱ በሸማች /ስራ ማህበራትና ኢት-ፍሩት በኩል ለተጠቃሚው ማህበረሰብ በተመጣጣኝ ዋጋ እንዲሸጥ ተደርጓል፡፡


በቀጣይም መሰል ህገ-ወጥነቶችን በመቆጣጠርና በድርጊቱ ተሰማርተው በሚገኙ አካላትና ድርጅቶች ላይ የእርምት እርምጃዎችን በመውሰድ እና መሰረታዊ የሆኑ ምርቶችን ለህብረተሰቡ በተመጣጣኝ ዋጋ በማቅረብ የዋጋ ንረትን የመከላከል ስራው በስፋት እንደሚሰራም ተገልጿል፡፡



No comments yet. Be the first.

News Archive News Archive

— 10 Items per Page
Showing 1 - 10 of 48 results.